كنت عم بتسحّر من يومين وإذ بقلب عا محطة حاطّة أم كلثوم..
أنا من يومين اكتشفت عن جد شو يعني الإنسان يسلطن مع إنو أنا بحب الموسيقى و بألف و بعزف وبغنّي عا قد حالي (وعا قدّ إلهامي).. الحاصلو، اول مرة هالقدّ بتمعّن بأم كلثوم هيّ وعم تغني. صدقوني السمع مش متل الشوفة.. مش غريب أبدا كيف كانت العالم تنطر كل ليلة خميس مناطرة لتسمع الست. أم كلثوم كانت هي وعم تغني، تغني الغنية - تتفاعل مع الكلمات، تضحك معها وتنفعل معها وتبكي معها - واللحن كان أصلا لابق على الكلمات. أم كلثوم كانت فعليا تحس الأغنية ومع ان صوتها جبار ما كانت تغني لتستعرض صوتها متل كل المطربين اليوم (راح ارجع للي مش مطربين) بل كانت تغني لأن بدها تغني.
للمقارنة عم جرب لاقي حدا بأيامنا عنده هل كمية التفاعل مع الأغنية.. مين جورج وسوف؟ كتير مابيحبو وكتير مغرمين في بس الاجماع إنه مؤدي ممتاز وأستاذ، يمكن أفضل مؤدي على الساحة بس برضه مش متل ام كلثوم.
الطرب ايام زمان كان كل واحد يغني لراسو. ماحدا ياخدها غلط بس لما ام كلتوم كانت تغني كنت تحس هي والملحن واللي كاتب الكلمات وحتى الجمهور ضاربين بانجو. هلق هني يمكن ماحدا منن ضارب شي بس الحب الحقيقي للكلمة والموسيقى كان الو نفس المفعول.. تصوروا هلق جمهور يسمع أغنية ساعة ساعة ونص وما يمل!
مطربين اليوم من وقت ما بلشت برامج الهواة متل سوبرستار حفظوا كلمة "عُرب" وصاروا كل ما دق الكوز بالجرة بدهن يستعملوا بين كل عربة وعربة، عربة. صار الطرب استعراض عضلات مش للاستمتاع. عندك العرب وعندك من بيقدر يطلع بالطبقات أعلى (آدم مثلا كل أغنية خلص الدمع تبعته ارتكزت على كلمة واحدة "وشفيت" يللي بخرق طبقة الأوزون فيها). أو متل معين شريف اللي أنا بحب صوتو كتير بس لطالما زعجتني في شغلة إنه بس يغني يده بتمشي مع صوته مش مع احساسه. يعني بس يطلع بالنوتة بيدلّ بأصبعه لفوق وهكذا دواليك. مان إنت منك قائد أوركسترا إنت مطرب! شغلة من الشغلات كمان إنو واحد بعدو طالع من برنامج هواة بعد 6 أشهر بـكونوا علموه سولفيج ومقامات شرقيه بيكون جايي عمقابلة بيصير يطلع بقائد الفرقة بـكل ثقة و بـيقلو "عطيني بيات الري وحياتك".. انو خيي فهمنا إنك pro مشينا!
هيدا بالنسبة للمطربين أما اللي مش مطربين فـحدث ولا حرج. بعدني من شي 3 سنين عم جرب اعرف شو يعني بطل شغل الحلبسة!
بعدين أنا هيفا أنا أو أنا دانا.. اهلين ربيع وهبي تشرفنا. أو بخصوص الالحان ال copy-paste من تركيا واليونان؟ يا خيي الاترك صاروا يحكوا سوري ونحنا بعدنا عم نسرقلهن الحانهن!
رح وقف نق لأنو مابعود اخلص بس راح اتركن مع مقارنة بين أم كلثوم و أمال ماهر مثلا ياللي هي تعد من متخصصي أم كلثوم عم بـغنوا سيرة الحب وحكموا بأنفسكم الفرق بالأداء والتفاعل مع الكلمات.
ربنا يرحمك يا ست..
أنا من يومين اكتشفت عن جد شو يعني الإنسان يسلطن مع إنو أنا بحب الموسيقى و بألف و بعزف وبغنّي عا قد حالي (وعا قدّ إلهامي).. الحاصلو، اول مرة هالقدّ بتمعّن بأم كلثوم هيّ وعم تغني. صدقوني السمع مش متل الشوفة.. مش غريب أبدا كيف كانت العالم تنطر كل ليلة خميس مناطرة لتسمع الست. أم كلثوم كانت هي وعم تغني، تغني الغنية - تتفاعل مع الكلمات، تضحك معها وتنفعل معها وتبكي معها - واللحن كان أصلا لابق على الكلمات. أم كلثوم كانت فعليا تحس الأغنية ومع ان صوتها جبار ما كانت تغني لتستعرض صوتها متل كل المطربين اليوم (راح ارجع للي مش مطربين) بل كانت تغني لأن بدها تغني.
للمقارنة عم جرب لاقي حدا بأيامنا عنده هل كمية التفاعل مع الأغنية.. مين جورج وسوف؟ كتير مابيحبو وكتير مغرمين في بس الاجماع إنه مؤدي ممتاز وأستاذ، يمكن أفضل مؤدي على الساحة بس برضه مش متل ام كلثوم.
الطرب ايام زمان كان كل واحد يغني لراسو. ماحدا ياخدها غلط بس لما ام كلتوم كانت تغني كنت تحس هي والملحن واللي كاتب الكلمات وحتى الجمهور ضاربين بانجو. هلق هني يمكن ماحدا منن ضارب شي بس الحب الحقيقي للكلمة والموسيقى كان الو نفس المفعول.. تصوروا هلق جمهور يسمع أغنية ساعة ساعة ونص وما يمل!
مطربين اليوم من وقت ما بلشت برامج الهواة متل سوبرستار حفظوا كلمة "عُرب" وصاروا كل ما دق الكوز بالجرة بدهن يستعملوا بين كل عربة وعربة، عربة. صار الطرب استعراض عضلات مش للاستمتاع. عندك العرب وعندك من بيقدر يطلع بالطبقات أعلى (آدم مثلا كل أغنية خلص الدمع تبعته ارتكزت على كلمة واحدة "وشفيت" يللي بخرق طبقة الأوزون فيها). أو متل معين شريف اللي أنا بحب صوتو كتير بس لطالما زعجتني في شغلة إنه بس يغني يده بتمشي مع صوته مش مع احساسه. يعني بس يطلع بالنوتة بيدلّ بأصبعه لفوق وهكذا دواليك. مان إنت منك قائد أوركسترا إنت مطرب! شغلة من الشغلات كمان إنو واحد بعدو طالع من برنامج هواة بعد 6 أشهر بـكونوا علموه سولفيج ومقامات شرقيه بيكون جايي عمقابلة بيصير يطلع بقائد الفرقة بـكل ثقة و بـيقلو "عطيني بيات الري وحياتك".. انو خيي فهمنا إنك pro مشينا!
هيدا بالنسبة للمطربين أما اللي مش مطربين فـحدث ولا حرج. بعدني من شي 3 سنين عم جرب اعرف شو يعني بطل شغل الحلبسة!
بعدين أنا هيفا أنا أو أنا دانا.. اهلين ربيع وهبي تشرفنا. أو بخصوص الالحان ال copy-paste من تركيا واليونان؟ يا خيي الاترك صاروا يحكوا سوري ونحنا بعدنا عم نسرقلهن الحانهن!
رح وقف نق لأنو مابعود اخلص بس راح اتركن مع مقارنة بين أم كلثوم و أمال ماهر مثلا ياللي هي تعد من متخصصي أم كلثوم عم بـغنوا سيرة الحب وحكموا بأنفسكم الفرق بالأداء والتفاعل مع الكلمات.
ربنا يرحمك يا ست..
ليش تأخرت هلقد ت غرقت بالست و صوت الست؟ اهلا فيك بدك هلق تمر ع وردة الجزائرية و اغنية و الوداع و ترجع تخبرني شو صار معك
ReplyDeleteله يا ايمي أنا والست صحبة من زمان ياما سهرانة معي بليالي منها حلوة ومنها مرة.. بس هاي اول مرة كنت بركز بهالشكل على ال body language تبعها هي وعم تغني..
ReplyDeleteوردة بدي احضرها كمان عادة بسمعها سمع بس.. وبخبرك شو بيصير هههه